要鼓勵民族精進，重塑香港歷史，傳播渠道從來都係多多益善，難得而家民族意識終於發芽，又有同自己理念相近嘅文創平台，合作機會就自然應運而生。
考慮到人地成日話逆嘶亭呢道啲文長氣到唔想睇（有時我自己攰都會懶得睇返），我一於嘗試雙軌並行，一邊繼續寫重要嘅長文，一邊寫啲簡單輕鬆嘢，希望新模式可以吸引到更多同胞思考點樣可以光復自己，繼而鼓起勇氣踏上個人精進之路，最後睇返我啲長文同理解我嘅願景。
眾所周知，民族感情同社會文化密不可分，而政治理念同社會文化亦係息息相關，所以長短軟硬都試寫，盡力向所有同胞解釋香港民族之天然存在，就係我對抗暴政嘅其中一種方式。
七月開始，tbc會有逆嘶亭分部連載隨筆雜評，包括書評、影評、詞評、社評等等，希望大家會對我嘅借題發揮有興趣，同埋多多支持平台其他值得欣賞嘅作者。
專欄連結： https://bit.ly/2CnyKbZ
文化創造抗體
文化創造回憶
文化創造勢力
文化創造經濟
請立即加入文創經濟體睇買逛，
體驗我們這個地方澎湃文創力，
體現有創作力就有價值的法則。
#文創經濟體 #722登場
Search